Главная - Новости Беслан

15/10/2019 Арф бынат бацахсдзœн сабиты зœрдœты

Ирон литературœйы бындурœвœрœг, поэт, нывгœнœг, œхсœнадон архайœг Хетœгкаты Къостайы 160-азы юбилеймœ сœхи бацœттœ кодтой 7-œм рœвдауœндоны сабитœ œмœ кусджытœ. Ам ацыди Къостайы номыл къуыри. Бœрœгбоны программœ бацœттœ кодтой хистœр хъомылгœнœг Ходы Аэролœ œмœ ирон œвзаджы ахуыргœнœг ацы рœнхъыты автор.
Сабитœ сœ арœхстдзинад равдыстой рагон нœртон хъœзтытœ: «Бœндœнœй хъазт», «Тохси», «Дугъуадзджытœ», «Гаккырис»-œй. Мœхœдœг ма бацœттœ кодтон œмœ равдыстон презентаци Къостайы биографи œмœ йе ‘сфœлдыстады тыххœй.
Ам лœппутœ акафыдысты рагон ирон кœфтытœ «Чепена», «Симд». Хистœр къорды хъомылгœнинœгтœ Биченты Каринœ œмœ Таймазты Валерия ахъазыдысты инсценировкœ «Халон œмœ рувас»-ы.
Ахœм ирон œвзагыл мадзалы фœстœ Къоста арф бынат бацахсдзœн сабиты зœрдœты. Рœвдауœндоны кусджытœ сœ сœргълœууœг Созанаты Маринœимœ архайынц, цœмœй сабитœ дзурой ирон œвзагыл

"ВЕСТНИК БЕСЛАНА"

 

Комментарии:

Комментарии к данной записи отсутствуют

Добавить комментарий

Имя:  

Уведомить меня о новых комментариях