БЕСЛАН.РУ

Нæ мадæлон æвзаг
15 майы, æнæхъæн Ирыстон бæрæг кодта Ирон æвзаджы бæрæгбон. Беслæны дыккæгæм скъолайы ахуырдзаутæ бацæттæ кодтой мадзал. Скъолайы кæрты астæу сывæллæттæм æнхъæлмæ каст æртæкъахыг фынг æртæ уæливæхимæ æмæ бæгæныйымæ, кæцытæ хистæр скуывта бæрæгбоны кадæн.
Бæрæгбон райдыдта нæртон симдæй. Дардмæ хъуыстысты ирон фæндыры зæлтæ, Хетæгкаты Къостайы æмдзæвгæтæ. 15 майы Ирон æвзаджы бæрæгбон уымæн бæрæг кæнæм æмæ уыцы бон 1899 азы рацыд Къостайы æмдзæвгæты æмбырдгонд - чиныг «Ирон фæндыр». Дарддæр бæрæгбон ахæццæ кодтой ирон хъæзтытæй.
Мах фæнды, цæмæй ирон æвзаг ма рох кæнæм. Йæ мадæлон æвзагыл дзурын йæ сæрмæ чи нæ хæссы, уымæн кæд мад æмæ фыд ис, уæддæр мæгуыр æмæ сидзæр у.

Вестник Беслана